Wilhemus^a) dei gratia electus¹, Bertoldus prepositus² totusque conventus monasterii sancti Galli omnibus presentium inspectoribus subscriptorum notitiam cum salute. Ne res geste ob temporis diuturnitatem oblivioni dedite diminu||tionem capiant seu subiaceant detrimento, scripturarum inditiis perpetue et incommutabili debent memorie commendari. Noverint itaque tam posteri quam presentes, quod cum dilectus in Christo Rv^omo de Ramstein predecessor³ nostri Wilhel||mi predicti abbatie nostri monasterii propter imbecillitatem et debilitatem persone⁴, qua impediente regimini ipsius abbatie intendere non potuit, ut expediebat eiusdem monasterii utilitati, renuntiaverit ad manus honorabilium virorum Hainrici thesaura||rii⁵ et magistri Chv^ononis de Brisach⁶ canon(ici) eeclesie Constantiensis tunc gerentium vices ordinarie potestatis, nos considerantes equitati fore consonum et rationi, ut eidem Rv^omoni de possessionibus et redditibus^b), quorum auxilio tam pro se quam pro sua familia honestam et decentem habere possit et valeat sustentationem pro tempore vite sue, habito tractatu et consilio nostri conventus et cum eodem deliberatione prehabita diligenti de consensu eiusdem et expressa voluntate et sigillatim consensu singulorum de conventu requisito et adhibito ac concesso voto desiderabili et expresso, Rv^omoni iam dicto de redditibus centum marcarum argenti ponderis Constantiensis percipiendis singulis annis quiete et pacifice pro tempore vite sue in bonis infra scriptis possessionibus seu redditibus decrevimus providendum, et eidem bona, possessiones, iura seu redditus eosdem assignamus, tradimus et donamus de consensu predicti nostri conventus et singulorum de ipso, adhibitis in eisdem assignationibus, traditionibus et donationibus verborum ac gestuum sollempnitatibus debitis et consuetis, videlicet possessiones in Ro^etis⁷, in Jonswiler⁸, in Germanshusin⁹, in Amptincelle¹⁰, in Linginwiler¹¹, in Roggewiler¹² cum suis pertinentiis et iuribus universis, item ecclesiam sancti Johannis¹³ apud sanctum Gallum cum suis pertinentiis et iuribus universis nec non cum hominibus ipsis possessionibus eeclesie et bonis ad eam spectantibus annexis, ita quod potestatem habeat plenam eosdem homines instituendi et destituendi in possessionibus et bonis prefatis, salva tamen nobis Wilh. electo predicto reeeptione sture et collecte eisdem hominibus eo tempore, quando communem receperimus collectam ab aliis hominibus nostri monasterii, imponende, sine quolibet dolo et fraude, dantes ipsi Rv^omoni plenam potestatem ab ipsis honoraria, que vulgariter dicuntur ershaz, et mortuaria ac successiones^c), que vaelle et erbe vulgariter appellantur, integraliter et libere recipiendi. In hominibus vero pertinentibus possessionibus, que dicuntur Gaise¹⁴ et Rivti¹⁵, nobis Wilhelmo predicto reservamus potestatem liberam collectas et exactiones nec non alia servitia eisdem hominibus imponendi, hiis servitiis exceptis relinquimus Rv^omoni iam dicto eandem potestatem in eisdem hominibus, quam sibi in aliis concessimus hominibus et dedimus, ut superius est expressum. Sunt autem dictorum bonorum in hunc modum redditus computati: De Jonswiler dantur centum modii tritici, sex modii et dimidius et viginti septem maltera avene et decem libre. Item de Ro^etis dantur XIII libre denariorum. Item de Amptincelle quadraginta quinque modii tritici et quindecim solidi. Item de ecclesia sancti Johannis de Naengeswiler¹⁶ triginta sex modii tritici et undecim maltera avene, unus modius fabe et una libra denariorum. Item No^echilon¹⁷ unum malterum avene. Item Naengeswiler in festo Verene novem solidi et eodem festo No^echilon decem et octo denarii. Item de Iffiwiler¹⁸ decem modii tritici. Item de Gaise in maio una libra et Verene sexaginta casei quilibet Valens octo denarii et decem solidi eodem festo. Item Aichilberch¹⁹ in festo Galli due libre et decem solidi. Item Germanshusen quinquaginta modios tritici minus sex quartalibus et tres solidi ac unus denarius. Oua²⁰ et de Husin²¹ quatuor solidi, qui pertinent ad eandem curiam. Item Iftiwiler^a) quindecim modios tritici et quindecim solid(os). Item de Rivti tres libre. Item in dem Lên²² una libra et pro lignis in carnisprivio sex solidi et in maio septem solidi. Item Roggewiler undecim modii tritici et duo quartalia, undecim solidi et sex denarii. § Officium decani operis tantum valet tredecim libre, decem solidi et sex denarii. Summa tritici decani operis est sexaginta septem modii tritici et duo quartalia. Item tria maltera avene et duo modii avene. Summa predicti tritici trecenti modii, quadraginta duo modii et duo quartalia tritici. Summa avene quadraginta duo maltera et duo modii. Summa denariorum triginta octo libre, duo solidi et sex denarii. Summa tocius frumenti cum curia Linginwiler quadrigenti^a) modii et triginta tres modii tritici et duo quartalia. Summa denariorum per totum quadraginta libre et decem et octo solidi. Summa tocius centum libre et sexaginta septem libre, sex solidi et sex denarii. Item de ecclesia Abbatiscelle²³ et de redditibus eiusdem tricenta maltera avene minus viginti quatuor malteris, quorum bonorum unâ cum ecclesia predicta et redditibus eiusdem summa prehabita computatione sexaginta tres libre ac quatuordecim solidi denariorum Constantiensis monete. § Item de censibus possessionum liberorum hominum pertinentium in Heriso^vwer²⁴ marche duas libras et octo denarios. Item de possessionibus cellerariorum in Heriso^vwe tres libras. Item de possessionibus hominum in Gozo^vwe²⁵ unam libram. Item de possessionibus Altenwegin²⁶ unam libram. Item de possessionibus Azzisperch²⁷ triginta solidos. Item de possessionibus Velde²⁸ tres libras. Item de possessionibus Studon²⁹ quatuordecim solidos. Item de possessionibus Bruggon³⁰ quatuor solidos. Item de Varna³¹ unam libram et quinque solidos. Item de possessionibus Obirnhusin³² unam libram. Item de possessionibus Waldiv³³ unam libram et quinque solidos ac duos solidos. Item de possessionibus Pfossilini quinque solidos. Item de possessionibus Studon Kessiler unam libram et quinque solidos. Item de possessionibus Ber. de Studon quinque solidos. Item de possessionibus Crucin sex solidos. Item de monte Rv^odolfi triginta tres solidos. Item de monte dicti Blankin unam libram. Item de possessionibus Fu^essilini septem solidos. Item de possessionibus Rinwin quindecim solidos. Item de possessionibus Petri de Gaiserwalt³⁴ sex solidos et quatuor denarios. Item de possessionibus Waltheride Erliholz³⁵ unam libram et sex solidos. Item de possessionibus dicti Hauener quatuordecim solidos. Item de possessionibus Erliholz novem solidos. Item de possessionibus Hermanni in dem Hage de Roschach³⁶ VIII solidos. Item de prato quondam Waltheride Kilchain³⁷ quinque solidos. Item de prato Bolarii octo solidos. Item de possessionibus Geltwiler³⁸ quinque solidos. Item de possessionibus et de monte et pomario . . Probi quatuor solidos. Item de monte Hainrici Blarrer octo solidos. Item de monte bi der Zubin Garterhusin undecim solidos. Item de domo Schilini apud portam Garterhus tres solidos. Item de V^olrico Wiphin et de orto Garterhusin unum solidum. Item de Wirdingisbizzi³⁹ quatuor solidos. Item de Hussi decem solidos. Item de possessionibus Mûsi unam libram. Item de Watte⁴⁰ duas libras. Item de Gaishûsin⁴¹ octo solidos. Item de Ottolûn⁴² triginta solidos. Item de Abbacelle de Ybach⁴³ duas libras. Item de Obirnwisin⁴⁴ sedecim solidos. Item de Gerolzhůbe⁴⁵ quindecim solidos. Item in dem Lehen⁴⁶ VII solidos. Item de Wier⁴⁷ Hermanni de^d) Schowingin⁴⁸ septem solidos et sex denarios. Promittentes bona fide, quod numquam vivente predicto Rv^omone in redditibus, bonis ac possessionibus memoratis eidem verbo vel facto gravamen aliquod inferemus. Et si in premissis bonis, possessionibus seu redditibus ei in toto vel in parte aliquod gravamen a quibuscumque vel^e) a quicumque^a) persona irrogatum fuerit seu illatum, extunc ipsum eo affectu et ea diligentia debemus defendere et manu tenere, prout possessiones nostri monasterii ad nostram pertinentes mensam defendimus et pro posse contra invasores quoslibet defenderemus. Sin autem per nos aut ex parte nostri nobis mandante aut ratum habente eidem Rv^omoni quicquam gravaminis in possessionibus, bonis seu redditibus antedictis in toto vel in parte factum fuerit vel illatum auctoritate nostra vel cuiuscumque iudicis ecclesiastici vel civilis nobis mandante aut procurante fuerit aliquo vel aliquibus ex parte nostri, id debemus eidem ad arbitrium reverendi domini AI. dei gratia abbatis Augie maioris⁴⁹ seu alterius, quem prefatus Rv^omo in locum sui subrogaverit, si ipsum dominum abbatem medio tempore, quod absit, cedere vel decedere contingerit, infra unius mensis spacium integraliter emendare. Et si in bonis, possessionibus et redditibus iamdictis aut in parte aliqua eorundem per fratres nostros carnales videlicet Fridericum prepositum Curiensem, Hainr. de Monteforti canonicum eiusdem, Rv^odolfum, V^olricum et Hugonem de Monteforti⁵⁰ comites vel aliquem eorundem aut ipsis vel aliquo ipsorum mandantibus iubentibus aut ratum habentibus quicquam gravaminis auctoritate propria vel cuiuscumque iudicis ecclesiastici vel civilis ipsis mandantibus seu procurantibus aut aliquo seu aliquibus ex parte eorundem factum fuerit vel illatum, id ipsum ad arbitrium prefati domini . . abbatis Augie maioris vel in locum sui subrogati per Rv^omonem prefatum, si ipsum medio tempore, quod absit, cedere vel decedere contingerit, debent fratres nostri prefati infra unius mensis spacium integraliter resarcire. Et pro observatione horum articulorum infra scripti fideiussores seu obsides obligantur. Sin autem a quocumque vel a quibuscumque aliis personis dicto Rv^omoni in bonis, possessionibus seu redditibus antedictis aut in parte aliqua eorundem quicquam gravaminis factum fuerit vel illatum, extunc fratres nostri predicti eum contra gravantes seu gravantem ipsum impremissis debent eo affectu et ea diligentia defendere et manu tenere, prout possessiones proprias contra invasores quoslibet defenderent et manu tenerent. Et de observatione inviolabili eorum, que sunt predicta, nos et fratres nostri predicti corporalia sollempniter prestitimus sacramenta. Et ad maiorem cautelam pro observatione indubitabili premissorum hos predicto Rv^omoni et reverendo domino Alberto dei gratia abbati Augie maioris predicto, domino Cůrado de Sto^ephiln canonico Argentinensi⁵¹, Dieth. de Ramstein⁵² rectori ecclesie in Vlma⁵³ et Hainr. de Griessinberch⁵⁴ nobili nomine ipsius Rv^omonis obsides dedimus et assignavimus seu fideiussores, videlicet fratres nostros carnales supradictos, Menagoldum^a) de Nellinburch⁵⁵, Fridericum de Togginburch⁵⁶ comites, Hainr. de Griessinberch⁵⁷, Rv^odolfum et V^oI. de Gutingin⁵⁸ nobiles, Eber. dapiferum de Walpurch⁵⁹, V^oI. de Bodeme⁶⁰, Wal. de Algo^vwe⁶¹, Marquar. de Schellinberch⁶², Frider. de Riet⁶³, Cv^on. de Sulzberch⁶⁴ et dominum Gunthelmum⁶⁵ milites, Cv^onr. Monetarium Constant(iensem), Walt. et Burch. de Hoven fratres cives Constantienses, qui stipulatione sollempni interposita sacramentum corporale sollempniter prestiterunt, quod se apud Constantiam monitione octo dierum premissa in obstagium presentabunt, si per nos aut per fratres nostros prefatos vel aliquem eorundem quicquam factum fuerit contra premissos articulos vel alterum eorundem, numquam inde recessuri, donec domino Rv^omoni prefato de eo, quod in premissis vel in aliquo eorundem fuerit violatum, integraliter extiterit satisfactum. Et si aliquem predictorum obsidum seu fideiussorum medio tempore, quod absit, cedere vel decedere contingerit, extunc alter eque ydoneus debet in locum sui sub forma predicta infra unius mensis spacium subrogari. Alioquin superstites se apud Constantiam monitione octo dierum premissa in obstagium presentabunt, numquam inde recessuri, donec id perductum fuerit ad effectum. Sin autem dictorum obsidum seu fideiussorum aliquem tempore sue monitionis in alio morari contingerit obstagio, ille alium in locum sui subrogabit in virtute prestiti sacramenti. Ceterum ne Rv^omoni prefato ipso vivente quicquam impremissis vel aliquo eorundem molestie, turbationis aut gravaminis inferatur, renuntiamus circa predicta et quodlibet eorundem consensu nostri conventus unanimi accedente tam pro nobis quam pro nostris successoribus beneficio restitutionis in integrum, litteris a sede apostolica aut aliunde impetratis seu etiam impetrandis, cuiuscumque forme tenoris extiterint seu vigoris, etiam si in eis contineatur sacramenti prestiti aut prestitorum relaxatio sacramentorum, defensioni non adhibite sollempnitatis, omnibus constitutionibus editis vel edendis, omni auxilio iuris canonici vel civilis, conswetudini generali vel particulari, privilegio fori et generaliter omni auxilio tam in specie quam in genere, quo mediante ea, que sunt premissa, vel ipsorum quodcumque violari possent, irritari vel cassari seu irrita nuntiari aut impediri in toto vel in aliqua sui parte. In evidentiam itaque premissorum et ad ipsorum incommutabilem firmitatem presens instrumentum Rv^omoni memorato tradidimus sigillorum venerabilis patris et domini R. dei gratia episcopi Constantiensis⁶⁶, nostri nostrique conventus et fratrum nostrorum carnalium prefatorum, Manegoldi de Nellinburch et Friderici de Toggenbvrch comitum, Hainr. de Griessinberch, Rv^o. et V^ol. de Gutingin nobilium, Eber. dapiferi de Walpurch, V^ol. de Bodeme, Wal. de Algo^vwe, Marquardi de Schellinberch, Frider. de Riêt et C. de Sulzberch militum iam dictorum robore communitum. Nos R. dei gratia episcopus Constantiensis ad petitionem reverendi in Christo Wilhelmi dei gratia electi prefati huic instrumento appendimus sigillum nostrum. Nos vero prepositus totusque conventus monasterii sancti Galli hiis, que sunt prehabita et premissa, consensum expressum et benivolum adhibentes huic instrumento in evidentiam nostri consensus adhibiti et concessi et ad premissorum indubitabilem firmitatem unâ cum nostris subscriptionibus appendimus sigillum nostrum. Nos vero Fridericus prepositus Curiensis, Hainr. de Monteforti canonicus eiusdem, Rv^odolfus, V^olr. et Hugo de Monteforti comites, Manegoldus de Nellinburch, Fridericus de Togginburch comites, Hainr. de Griessinberch, Rv^odolfus et V^olr. de Gutingin nobiles, Eberhardus de Walpurch dapifer, V^oI. de Bodeme, Walt. de Algo^vwe, Marquardus de Schellinberch, Frider. de Riêt et Cv^onr. de Sulzberch milites tam pro nobis quam pro nostris confideiussoribus seu conobsidibus huic instrumento ad petitionem reverendi domini Wilhelmi dei gratia electi monasterii sancti Galli appendimus sigilla nostra ad firmitatem indubitabilem omnium premissorum, recognoscentes ea, que sunt prehabita et premissa, in toto et in suis partibus, ut predictum est, fore peracta nosque obligatos esse et astrictos sub virtute sacramentorum prestitorum, prout est superius expressum. § Ego Bertoldus prepositus monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci. § Ego Hainricus portarius⁶⁷ monasterii sancti Galli hiis, que sunt premissa et prehabita, adhibeo consensum expressum et huic instrumento pro me subscribi feci. § Ego Hainricus de Dvrrinhain⁶⁸ monachus monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci. § Ego Hugo de Durrinhain⁶⁹ monachus monasterii sancti Galli hiis, que sunt prehabita et premissa, adhibeo consensum expressum^f) et huic instrumento pro me subscribi feci. § Ego Fridericus de Gundolvingin⁷⁰ kamerarius monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci. § Ego Waltherus de Ramstein⁷¹ monachus monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci. § Ego Hilteboldus de Werstein⁷² monachus monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci. § Ego V^olricus de Drvpurch⁷³ monachus monasterii sancti Galli hiis, que sunt prehabita et premissa, adhibeo consensum ex-pressum et huic instrumento pro me subscribi feci. § Ego Marquardus de Veringin⁷⁴ monachus monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci. § Ego Hainricus de Lvphin⁷⁵ monachus monasterii sancti Galli hiis, que sunt prehabita et premissa, adhibeo consensum expressum et huic instrumento pro me subscribi feci⁷⁶. Datum et actum apud sanctum Gallum, anno domini M°.CC°.LXXX°II°. XVIII°. kl. febr., indict. X^a. Presentibus C. de Sto^ephiln canonico Argentinensi, magistro C. dicto Pheffirhart canonico ecclesie sancti Johannis Constant(iensis)⁷⁷, . . rectore ecclesie in Glatte⁷⁸, V^ol. de Ramswag⁷⁹, Hermanno de Lannenberch⁸⁰ et Hainr. de Wartense⁸¹ advocato militibus, Walthero de Hoven cive Constantiensi, V^olr. dicto Lesti cive sancti Galli aliisque quampluribus fide dignis.

Quelle Volltext: Chartularium Sangallense IV, Nr. 2069, S. 228-234.