Nos Lucas Poppfinger Magister Civium, Leupoldus Poltz, Iudex, Totumque commune civitatis Wiennensis, Pataviensis diocesis. Universis christi fidelibus, ad quos presenstes pervenerint, quique presentes audierint vel legerint Salutem, et noticiam subscriptorum. Cum cuiuslibet rationalis creature naturali instinctu, in bonum, quasi vi, propellatur intentione, Cumque Bonum quanto communimus, quantoque sue interne bonitatis, in amplius diffusivum esse divinius censeatur, Juste humane Romanis conatus, in Reipublice, et totius boni communis anhelat augmentum. Nos igitur pensantes, boni communis ambitum, et Reipublice plus ampliari crementum, Si in dicta nostra civitate, universitas Doctorum, Magistrorum, et Studentium, erigatur, Et Studium generale licita facultate. Considerantesque, Serenissimos ac naturales dominos nostros, illustres principes dominos Ruodolffum . Albertum . et Leupoldum . duces Austrie, Styrie, Karinthie, et Carniole . dominos marchie Slavonice ac Portusnaonis, Comites in Habspurg, Tyrolis, ferretis, et in Kyburg, Marchiones Burgowie, necnon Landgrafios Alsacie, sine quorum aminiculo et permissione, hac non possemus efficere, ad huiusmodi universitatem et studium in predicta nostra civitate, fundandum . Sancti Spiritus aspirante gratia ferventius inclinatos, non immerito et nos etiam, et ex precepto metuendissimorum dominorum nostrorum, ducum predictorum, quod semper proni prosequim...., et affectum boni nobis etiam naturaliter instincti, ad id, ferventi desiderio, avidius aspiramus. Set ut in mandatis prepotentium domino-rum nostrorum ducum predictorum, nostra vigilans exsecutio comprobetur, et erga universitatem predictam per dei gratiam in civitate nostra pronotata plantandam, et doctores, magistros, et studentes in ea excernentes, noster affectus efficaciter cognostatur. Nos pro nobis, et nostris successoribus permittimus, et presentibus, data fide spondemus, prescriptam universitatem, et quolibet eius membrum sincero affectum prosequi et in omnibus licitis et honestis, in quantum in nobis est defendere et tueri, de omnes libertates . privilegia et immunitates . predicte univer-sitati . et eius membris . per metuendissimos dominos nostros duces predictos concessus, vel per ipsos, aut per eorum successores, concedend.. firmiter et inviolabiliter observare, et precipue, libertates et immunitates conscriptas, in quodam privilegio, per magnificos dominos nostros sepenominatos . prenotate universitati . doctorum, magistrorum, et studentium concesso et eorum Sigillis patentibus sigillato. Cuius Tenor sic incipit. In nomine sancte et individue Trinitatis amen. Ruedolfus quartus etc. Et tenor date eiusdem privilegii talis est Datum et actum Wienne . duodecima die marcii . Anno domini Millesimo Tricentesimo Sexagesimoquinto, nostri predicti ducis Rudolffi .etatis, vicesimosexto . Regiminis vero septimo, et nostri predicti Alberti ducis, etatis sextodecimo, ac nostri prenominati ducis Leupoldi, etatis quartodecimo, annis . Quarum noticiam, nos habere . presentibus protestamur. Hec omnia et singula, prestita fide spondemus, munientes presentem litteram, nostri Sigilli magni appensione in testimonium prescriptorum. Datum Wienne . duodecima die mensis Aprilis Anno domini Millesimo Tricentesimo Sexagesimo-quinto.

Source Fulltext: Peter Peusquens