Erzherzog Ferdinand an den Wiener Magistrat: Es hätten vicestathalter und hofrat der Niderösterreichischenlande . . . die schriften und underrichten, so durch Martin Widman fur sich selbst und als gewalttrager seiner miterben und durch den Magistrat für sy eingelegt nach lengs aigentlich vernömen und so ergehe des Erzherzogs bevelh, daz das halb haus von weilent Wilhalmen Gotzman glaser herrürend, so von müeterlichem stamen auf die beweist frundschaft und mit ablösung von der ungevogten miterben gerhaben an gedachten Widman und yetzbemelt sein miterben gefallen, züesteen und verfolgen solle, und daß der Magistrat dem . . . Widman die gweer im grundpuech über dasselb halb haus geben solle, mit der beswe/arung, es berür säcz oder anders sovil dem Widman und seinen miterben darinn nach irem halben tail zu entrichten gebüren wirdet, das sy sölichs bezallen wellen, doch dagegen dem Widman und seinen miterben allen iren behelf und was sy dawider furzubringen und zu geniessen vermainen, vorbehalten. Denn der varünden hab halben, sovil dem Widman und seinen miterben darinn rechtlich gebürt, davon in sölhen schriften auch under anderm meldung beschehen, soll darauf geachtet werden, daß dem Widman dieselb varund hab¹ zu seinen handen mit ainem inventari geraicht und zuegestellt werde.² Von wegen brief und sigl ist des Erzherzogs mainung, das dieselben zu ainer dritten hand gestellt und überantwört, also wer von der erbschaft oder in ander weeg, darzue gerechtigkhait haben, ³ das dieselben⁴ solh brief zu yeden zeiten, so sy der notdürftig sein, besehen auch, welhe davon geleublich abschrift begeren, die sollen inen gegeben werden, damit sy die zu iren notdürften gebrauchen mügen. Dann das ander halb haus von weilend des Gotzmann⁵ kinder herrürendbetreffent, befiehlt der Erzherzog, daz der Magistrat ainen gelegensamen rechttag bestimme und sölhen rechttag an den enden, davon Gotzman¹ purtig gewesen, auch hie in der stat Wienn vorzeitlich in schrift offenlich anslahen und verkünden lassen, damit alle . . . von erbschaft oder in ander weeg Anspruchsberechtigten erscheinen können und der Magistrat, es erschein yemand oder nicht, . . . recht ... ergeen lasse. Derselbe solle hirinn nicht anders halten noch damit saumig sein. 

Original dating clause: Geben in der stat Wienn, am zwelften tag des monets Septembris, anno etc im xxvten.

Notes: