Petrus dei gratia sancte Maguntinensis sedis Archiepiscopus sacri Imperii per Germaniam Archicancellarius, universis Christi fidelibus, presentes litteras inspecturis, salutem in omnium salutari. Cupientes Christi fideles, quibusdam muneribus illectivis indulgenciis scilicet et remissionibus peccatorum ad devocionis ac pietatis opera invitare, ut exinde reddantur divine gratie aptiores. Omnibus vere penitentibus et contritis qui ad missam cottidianam quam de confirmacione venerabilis in perpetuo patris domini Wernhardi pataviensis Episcopi ydonei viri Notarii Ceche Civitatis wiennensis in Civitate eadem ob dei reverenciam vivorumque ac defunctorum salutem et memoriam suis laboribus et sumptibus procurarunt devote convenerint aut inter-fuerint viginti dies de iniuncta sibi penitencia misericorditer in domino relaxamus, dummodo illud de dyocesani processerit voluntate. Datum ante Chuttas, anno domini millesimo trecentesimo septimo, Wenzezlai martyris.

Source Fulltext: Peter Peusquens