Hainrich von gotes genaden Pfalltzgrave bey Rein etc. und Hertzoge in Bairen. Unsern gunstlichen grus zuvor. Ersamen weisen uns sunderlieben. Wann uns yetzo Harprecht Sweibrer unser hofgesinde und lieber getrewr fuerbracht, Hannsen Newenhawser ewers mitburger abgang und dabey ertzelet wie derselbe Newnhauser ain Junckfrawn und Tochter hinder sein gelassen hab die Otten des Sweibrer seines vettern Enckel und von demselben Sweibrer dann daz maist guet herkomen sey Darumb er sich persoenlich zue ew fuegen welle damit dasselb kindt besetzt und auch versehen werde mit dem daz Im dann billichen zue sten sol. Also begern und bitten wir ew mit sunderlichem vleisse. Wann der benant Sweibrer yets zue ew kome, daz Ir ew den in den sachen dann gunstlichen bevolhen haben und guete fuerdrung dorInne beweisen und tuen wellet als wir dann zue ew getrawen daz wellen wir gen ew und den ewrn wo sich das fueget genêdicklichen erkennen. Geben zue Burghausen an Suntag Jubilate Anno etc. Quadragesimo quinto.

Source Fulltext: Peter Peusquens