In nomine sancte et individue Trinitatis omnibus Christi fidelibus notum esse cupimus, qualiter ego Chuonradus divina clementia Pataviensis Ecclesie Episcopus Ecclesie mee Pataviensis simul et Ecclesie Richerspergensis commodis ac paci in presenti et futuro prospiciens ex consensu Cleri et Ministerialium nostrorum predium Ecclesie nostre in villa Rosbach in comitatu Comitis Bertholdi de Pogen situm per manum eiusdem Pertholdi Comitis ex iure advocatie ipsi pertinentis in manum cuiusdam nobilis viri Weriandi de Rauntingen tradi rogavimus Ecclesie Richerspergensi tradendum ac de iure nostro in ius Ecclesie illius omnimodis transfundendum in legitimun videlicet Concambium pro predio Hagenove, super quo inter me et iam dictam Ecclesiam Richerspergensem contentio esse videbatur, simul et pro predio, quod Ecclesia Richerspergensis in partibus orientis in villa Liubes possederat. Hoc itaque iam dictum nostrum predium cum omni iure suo et utilitatibus quesitis et inquirendis simul et decimis in eadem villa iuri nostro pertinentibus Ecclesie prefate tradi fecimus Preposito et fratribus eiusdem Ecclesie, Econtra predium Hagenowe iure nostro recognoscentibus et per manum Advocati sui in villa Liubes Comitis Chuonradi de Pielsteine cum alio iam dicto predio suo in Jus Ecclesie nostre transfundentibus. Et hec traditio per manum Advocati nostri Pertholdi facta est nobis presentibus ac petentibus in villa Straschirchen in manum iam dicti Werigandi. Huius rei testes sunt per aurem attracti ex Nobilibus Chadolt de Sunebretesdorff, Chadolt de Grunenbodengarten, Weringer de Waigestorf, Pabo de Agehausen, Werinhart de Tulbach, Reginger de Ride, Amelbertus de Aigelinge, Adelbero de Burchartesdorf et ex ministerialibus Ruodegerus, Adalbertus, Arnoldus de Patavia, Waltherus de Ludinge, Rapoto de Swabendorff, Gerhocho de Framelinsperge, Heinricus, Rudolfus, item Ruodolphus, Megingoth de Pogen, Engilbertus et frater eius Otto de Stroubing. Ego Chuonradus Pataviensis Episcopus subscripsi. Ego Ruodbertus Decanus subscripsi. Ego Hainricus Scholasticus. Ego Hartmodus Archipresbiter. Ego Ruodbertus Presbiter. Ego Adalbertus Prepositus S. Nicolai subscripsi. Acta sunt hec anno Incarnationis Domini MCLV. Pontificatus vero nostri anno VI. Indictione II. Data Patavie IV. Kal. Maij.

Source Fulltext: OÖUB 2 (Wien 1856) S. 264-265